"Ho aktus polítiku ne’ebé hatudu husi deputadu PD na'in 4 iha PN kuadrus no militantes PD deklara katak la konkorda no la aseita asaun polítiku ne’ebé halo hosi deputadu PD iha PN ne’ebé kontráriu ho desizaun kolektivu ne’ebé deside iha Konferensia Nasional iha dia 20 Fevereiru 2020,” dehan Komisáriu Polítika Rejionál PD, Queiros UMU-CHERGE iha sede PD Kolmera, Kuarta (20/05). 

VIDEO PUBLISIDADE APELU HUSI PM TAUR APLAUS BA FRONT LINE

Komisariu Politiku rejional ne’e mos dehan aktu iha Parlamentu Nasional la reprezenta hanoin no desuzaun ne’ebe foti hamutuk ona iha fulan ruma liu. 

“Aktu politiku ne’e la reprezenta aspirasaun kuadrus no militantes PD tuir artigu 37 iha estatutu orgániku PD," nia reforsa.

Iha konferensia imprensa ne'e mós Komisáriu Polítika Rejionál ezije ba Prezidente Partidu atu responsabliza ba nia orientasaun iha PN.

"Husu responsabilidade individuál Presidente PD ne’ebé fó orientasaun ba deputadu PD sira atu kontra desizaun Konferensia Nasionál," nia afirma

Ho aktu ne'ebé la'o iha PN  mak PD mantein no firmi nafatin ho desizaun koligasaun ne’ebé halo liuhusi konferensia nasional bazeia ba artigu 55 rejimentu internu PD.

“KPR mós husu ba Presidente PD atu konvoka urjente kongresu extraordináriu tuir artigu 38 pontu 4 ne’ebé hatete katak: kongresu nasionál extraordináriu sei halo wainhira iha razaun ne’ebé justifikadu no partidu hasoru situasaun polítika extraordináriu iha partidu laran no situasaun polítika nasionál estadu," deklara Queiros

KPR mós afirma, PD nu'udar partidu polítiku ne’ebé komunga prinsípiu demokrásia, solidaridade, justisa sosiál, anti konfrontasaun no anti violénsia ho kualker grupu no entidades politiku ne’ebé konsagra iha estatutu orgániku partidu demokrátiku artigu 4, pontu 2,3,4 no 5. 

Tanba ne'e KPR husu ba kuadrus, militantes no simpatizantes PD atu mantein disiplina, hakmatek, kria paz no estabilidade, kumpri nafatin regras estadu emerjensia.