"Ohin ha'u atu hahú para normaliza funsionamentu, PN ita lebele husik hela hanesan ne'e, paradu, sasan estraga maibé prontu, agora hotu ona entaun PPN iha dever tomak atu normaliza funsionamentu PN nian," dehan atuál PPN deputadu Aniceto Longunhos Guterres Lopes, iha PN, Kinta (21/05)
Deputadu ne'e mós afirma, bainhira enkontru ona ho vise PPN na'in rua hafoin termina ba reuniaun lider bankada.
VIDEO PUBLISIDADE APELU HUSI PM TAUR APLAUS BA FRONT LINE
"Ohin ami halo konferénsia lider bankada agora, antes ba konferénsia ha'u tenke ba hasoru malu ho vise PPN na'in rua, ne'ebé se la ohin aban ha'u sei halo konferénsia," dehan Aniceto
Entrerantu asuntu ne'ebé PPN foun ko'alia ho vise PPN na'in rua mak kona-ba normalizasaun PN.
"Se buat ruma paradu la la'o durante ne'e, sasan sira la la'o normal, microphone mós la funsiona ne'e atu halo saida, tenke halo buat ruma ka," nia dehan
Entretantu observasaun tempotimor.com nian iha terenu katak, PPN foun ne'e sai husi bankada Fretilin ba iha salaun Vise PPN na'in rua nia fatin hodi hala'o enkontru, hetan asegura husi eskoltu na'in tolu ne'ebé fó seguransa ba PPN foun ne'e.