"Plenária ne'e responsabilidade husi Prezidente Parlamentu Nasionál (PPN) ne'ebé atu hadi'a meza ne'ebé rahun, ami mós hein hela orientasaun iha lider bankada, se PPN hatete katak, ami hadi'a ona, klaru ami tékniku ba hadi'a," dehan Sekretária Jerál Parlamentu Nasionál (SJPN) Cedelizia Faria dos Santos iha nia knaar fatin PN, Kinta (21/05).
Sekretária Jerál PN ne'e mós afirma, kona-ba hadi'a karik sei iha investigasaun ami lahatene, entaun hein de'it orientasaun.
Ita hein hela, situasaun hnsan ne'e, karik PPN deside no keta halo investigasaun husi Polísia nian ruma, entaun ami lahatene, entaun ami orientasaun, dehan loos ona, dalan loos ona, bele hadi'a, ami prontu hadi'a, hanesan tékniku ami kumpri de'it PPN no lider bankada sira," dehan Sekjer PN.
Nia afirma, kona-ba responsabilidade meza nian, ne'e PPN no ekipa, maibé tékniku sira hein desizaun husi leten.
Responsabilidade ba meza rahun ne'e PPN no sira ne'ebé iha meza ne'e nian. Ami kuandu simu desizaun ami hadi'a, to'o agora seidauk simu orientasaun, tanba akontesimentu ne'e iha tersa, horseik 20 de maiu feriadu, ohin dader to'o agora ami seidauk simu orientasaun atu hadi'a ka hein lai," dehan.