Liuhusi komunikadu imprensa ne'ebé bankada haat ne'e hala'o iha salaun bankada CNRT nian, mak vise xefe bankada CNRT deputadu Patrocino dos Reis Fernandes katak sei la partisipa kualker atividade hotu iha PN.
"Bancada CNRT, UDT/FM no PUDD sei la partisipa ba kualker atividades iha PN ne’ebé konvoka hosi PPN ilegál to’o desizaun husi Tribunal Rekurso ne'ebé mak justu tuir Konstituisaun no lei ne'ebé mak vinkula ita nia rain," dehan vise xefe bankada CNRT deputadu Patrocino dos Reis Fernandes iha salaun bankada CNRT, Kinta (21/05).
VIDEO DETIK DETIK MEZA PPN RAHUN
Bankada sira ne'e deside la partisipa iha kualker atividade PN nian tanba PPN Aniceto Longunhos Guterres ilegál inklui reuniaun lider bankada mós ilegál.
"Ohin Ioron 21 maiu, ami hatama ami-nia rekursu kontensiozu ba Tribunal Rekursu kona-ba PPN señor Aniceto Guterres ne’ebé mak eleitu ho maneira ilegál ka la tuir rekijitus konstitusionais, legais no rejimentu Parlamentu Nasionál nian," dehan Patrocino
Entretantu bankada CNRT ho nia aliadu sira mós konsidera reuniaun lider bankada ne'ebé lidera husi PPN Aniceto ne'e ilegál.
"Ami konsidera konferénsia lider bankada no konvokasaun plenária iha dia 18 no 19 Maiu hodi troka Atual PPN Arão Noé de Jesus da Costa Amaral nu'udar aktu ilegál tanba la tuir konstituisaun, leis no rejimentu PN nian," nia dehan
Nia afirma, konferénsia lider bankada ne'ebé lidera husi PPN ilegál Dr. Aniceto Guterres ne'e partisipa husi bankada FRETILIN, PLP, KHUNTO no PD ne'e aktu “hadau Poder Forsada".
VIDEO PUBLISIDADE APELU HUSI PM TAUR APLAUS BA FRONT LINE