Bankada Tolu sei “Limpeza” Meza PN, Hasai Deputadu CNRT

Prezidente Parlamentu Nasional. Aniceto Guterres ko'alia ba Jornalista sira iha Parlamentu Nasional Prezidente Parlamentu Nasional. Aniceto Guterres ko'alia ba Jornalista sira iha Parlamentu Nasional Foto Arkivu

Tempotimor (Dili)-Hafoin Aniceto Guterres eleitu sai Prezidente Parlamentu Nasionál, bankada FRETILIN, PLP no KHUNTO iha ona konsensu hodi halo “limpeza” hodi “hamoos” deputadu CNRT husi meza Parlamentu Nasionál.

Prezidente PN Aniceto hatete, bankada FRETILIN, PLP no KHUNTO iha ona konsensu atu halo alterasaun ba Sekretaria no Vise Sekretária Meza PN.

"Ami ko'alia mak alterasaun ba sekretária no vise sekretária meza Parlamentu Nasionál, maibé kona-ba vise Prezidente Parlamentu Nasionál (Vise-PPN) na'in rua mantein," dehan Aniceto iha PN, Sesta (22/05).

Aleinde altera sekretaria no vise sekretária meza PN, Aniceto dehan, iha mós posibilidade atu altera Prezidente komisaun hotu-hotu.

"Tanba mosu ona konfigurasaun polítika foun mak maioria ida bele iha intendimentu par iha alterasaun ba meza komisoens ne'ebé eziste," nia dehan.

"Bele akontese, maibé depende ba maiória nia intendimentu, ne'ebé bainhira ne'e depende ba sira, maibé kuandu iha ona pedidu, komisaun idaidak reuni hodi halo alterasaun ba sira-nia meza," dehan Aniceto.

Entretantu komisaun iha PN kompostu husi: Komisaun A trata asuntu Konstituisionais no Justisa, lidera husi Carmelita Moniz (CNRT); Komisaun B trata asuntu Negósiu Estranjéiru, Defeza no Seguransa, lidera husi Adérito Hugo da Costa (CNRT); Komisaun C trata asuntu Finansas Públika, lidera husi Fernanda Lay (CNRT); Komisaun D trata asuntu Ekonomia no Dezenvolvimentu, lidera husi Virginha Ana Belo (CNRT); Komisaun E trata asuntu Infra-estrutura, lidera husi Abel Pires (PLP); Bakada F trata asuntu Saúde, Seguransa Sosiál, no Igualidade Jéneru, lidera husi Maria Gorumali Bareto (CNRT); no Komisaun G trata asuntu Edukasaun, Juventude, Kultura no Sidadania, lidera husi Sabino Soares 'Guntur’ (PLP).

VIDEO PUBLISIDADE APELU HUSI PM TAUR APLAUS BA FRONT LINE

 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.