Login to your account

Username *
Password *
Remember Me

Fokus EE Datoluk: Evita Covid-19 husi Rai Li’ur

Tempotimor (Dili)-Governu Timor-Leste aseita ho pedidu husi Sentru Integradu ba Jestaun Krize (SIJK) hodi husu ba Prezidente Repúblika atu estende tan Estadu Emerjensia (EE) ba dala tolu. EE ba faze dala tolu ne’e sei fokus ba movimentu iha area fronteira rai-maran, portu no aeroportu.

Ministru Reforma Lejislativa Asuntu Parlamentár (MRLAP) Fidelis Manuel Leite Magalhães hatete, estensaun EE ba faze datoluk ne'e foku liu ba fronteira hodi labele fó lisensa ba kualker sidadaun husi estranjéiru tama iha teritóriu nasionál.

"Estensaun estadu emerjénsia ba datoluk ne'e sei rexada liu ka sei iha kelongaran barak liu, maibé ninia foku mak kontinua taka fronteira rai-maran, tasi no lalehan, hodi nune'e ema husi rai li’ur labele tama mai ita-nia rai," dehan Fidelis hafoin reuniaun Konsellu Ministru (KM) extraordináriu iha Palásiu Governu, Segunda (25/05).

Ministru ne’e afirma, ba aeroportu no portu sei mantein la fó lisensa ba aviaun no ró baibain atu tama, exeptu ida ne'ebé lori nesesidade mai Timor-Leste.

"Iha estadu emerjénsia ne'ebé foku ba fronteira sira ne'e, entaun aviaun sira mós sei la tama, aviaun ne'ebé tama mak ida ne'ebé espesifiku ne'ebé lori materiais nesesáriu mai ita, hanesan mós tasi nian ne'ebé so sasan sira hanesan hahan ne'ebé baibain tama.”

Estensaun EE ne’e mós, nia dehan, atu Ministériu Saúde bele iha kbiit hodi halo konfinamentu obrigatoriu.

"Estensaun EE ne'e mós atu fasilita governu liu-liu Ministériu Saúde (MS) atu halo konfinamentu obrigatóriu ka hanesan kuarentena sira. Tanba ita-nia konstituisaun dehan katak, ita atu halo servisu sira ne'e so aplika estadu emerjénsia, entaun uza lei baibain hodi halo konfinamentu obrigatóriu ne'e labele, tanba ida ne'e halo impedimentu ba ema nia restritóriu, ba ema nia direitu fundamentál sira, nune'e mós taka fronteira mak tuir lei baibain de'it ne'e labele," nia esplika.

Fidelis afirma, medida iha estensaun EE ba datoluk iha teritóriu nasionál sei mamar, maibé kona-ba fronteira nian konfinamentu sei toos liu tan.

VIDEO PUBLISIDADE APELU HUSI PM TAUR APLAUS BA FRONT LINE

 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter