Aniceto dehan, meza Prezidente PN ne'ebé babain utiliza hodi halo plenaria dadaun ne'e laiha kondisaun hafoin mosu insidente entre deputadu sira bainhira mosu impedementu iha plenaria ba distituisaun Prezidente PN sesante Arão Noé.
"Senhor Primeiru Ministru ami husu deskulpa, meza sira ne'ebé ita-boot sira tuur iha oin ne'e ami perpara ho urjensia de’it. Meza Prezidente Parlamentu nian ami okupa fali bankada ida molok governu mak okupa, parte oin bankada governu okupa ne'e temporáriu, provizoriu hodi hein ami rekonstrui fali Meza Prezidente nian depois de insidente ida iha semana liu ba," dehan ," dehan Aniceto iha abertura plenaria ba diskusaun estensaun estadu emerjensia ba datoluk iha PN, Kuarta (27/05).
Tuir observasaun jornalista www.tempotimor.com nota katak, fita mean dada haleu fatin ne'ebé babain Prezidente PN uza, ho nune’e Prezidente PN ho vise Prezidente PN na’in 2 uza fatin ne'ebé babain governu uza hodi lidera plenaria, enkuantu governu tuur fali iha fatin ne’ebé baibain tekniku sira utiliza.
VIDEO PUBLISIDADE APELU HUSI PM TAUR APLAUS BA FRONT LINE