Temopotimor (Dili)- Oitavu governu konstitusional liu-husi reuniaun Konsellu Ministru (KM) autoriza ona atividade eskola no Missa bele la'o normal iha periodu Estadu Emergensia (EE) datolu.
"Estabelesimentu ensinu pre-ekolar, ensinu sekundariu, ensinu superior no formasaun profisional ka tekniku-vokasional bele realiza fila-fali ona no atividade letiva sira liu-husi rejimi prezidensial", haktuir komunikadu impresa Konsellu Ministru ne'ebe Temopotimor asesu iha sesta (29/5).
Prosesu aprendisajem hahu para dezde fins Marsu 2020 ate ohin.
Iha komunikadu ne'e sita mos katak, Atividade hotu bele hala'o fali maibe importante kumpri norma teknika ne'ebe sei aprova husi Ministeriu Saúde, Ministeriu Edukasaun Juventude no Desportu no Ministeriu Ensinu Superior Siensia no Kultura.
"Sei la limita tan ona atividade relijioza, desportivu no direitu atu halo greve ka manifestasaun," hakerek iha komunikadu refere.
VIDEO PUBLISIDADE APELU HUSI PM TAUR APLAUS BA FRONT LINE