Ohin, PR Lú-Olo Fó Pose Ba MG Na'in 8

Prezidente da Republika Francisco Guterres Lu Olo hamriik besik hela PM Taur Matan Ruak durante seremonia tomada de pose ba membru Governu nain walu iha palasiu Prezidensial (29/5) Prezidente da Republika Francisco Guterres Lu Olo hamriik besik hela PM Taur Matan Ruak durante seremonia tomada de pose ba membru Governu nain walu iha palasiu Prezidensial (29/5) Foto Midia PR

Tempotimor (Dili)-Prezidente Repúblika (PR) Francisco Guterres Lú-Olo ofesilamente fó pose ba membru governu na'in ualu ne'ebé atu prienxe vaga iha governu daualu ne'ebé sei mamuk.

PR Lú-Olo fó pose ba membru governu na'in ualu, bazeia ba dekretu Prezidente Repúblika nian númeru 39/2020 ne'ebé asina husi PR Francisco Guterres Lú-Olo iha Palásiu Prezidensiál Nicolau Lobato Dili, iha 28 maiu 2020.

Entretantu membru governu sira ne'ebé hetan pose mak hanesan, Vise Primeira Ministra (Vise-PM) señora Armanda Berta, Ministru Prezidensia Konsellu Ministru (MPKM) señor Fidelis Manuel Leite Magalhães, Ministru Finiansas (MF) señor Fernando Hanjam, Ministru Administrasaun Estatál (MAE) señor Francisco de Carvalho, Ministru Asuntu Parlamentár no Komunikasaun (MAPK) señor Francisco Gerónimo, Ministra Saúde (MS) señora Odete Maria Freitas Belo, Ministru Asuntu Kombatentes Libertasaun Nasional (MAKLN) señor Julio Sarmento da Costa Meta Malik, Ministru Agrikultura (MA) señor Pedro dos Reis.

Entretantu membru governu foun sira ne'e mai husi Partidu Fretilin na'in 4, Khunto na'in 2, PD ida no PLP na'in ida, no hetan pose husi xefe estadu iha Palásiu Prezidensiál Nicolau Lobato Dili, ohin (Sesta) iha tuku 10:00 dader.

Rate this item
(0 votes)
Last modified on Friday, 29 May 2020 20:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.