"Ami hotu hein governu ida ne’e no Primeiru Ministru konsege dudu duni ba oin rekuperasaun ekonómika. Ita hotu hatene katak, produtu internu brutu tun no falta empregu sátan moris di’ak ba povu," dehan PR Lú-Olo liuhusi nia diskursu iha Palásiu Prezidensiál bairu-pite Dili, Sesta (29/05).
Xefe estadu mós afirma, problema ekonómika, la'ós foin akontese iha surtu Covid-19, maibé akontese kleur ona.
"Problema sira ne'e hotu la’ós foin mosu ho covid-19, maibé problema sira ne’e kleur ona no ita presiza kore-an husi problema sira ne’e atu la husik ita nia nasaun monu iha resesaun ekonómika, tanba ne'e importante tebes hili modelu dezenvolvimentu ekonómiku sosiál ida ne’ebe foka liu-liu ba ema," dehan Lú-Olo.