Paixão: Povu Tuur Nonook, Lider sei iha

Ministru Defesa no Ministru Interior Interinu, Filomeno da  Paixão DE Jesus ko'alia ba Jornalista sira Ministru Defesa no Ministru Interior Interinu, Filomeno da Paixão DE Jesus ko'alia ba Jornalista sira Foto File

Tempitimor (Dili)-Relasiona ho situasaun politika ne'ebé akontese, Ministru Defeza no Seguransa, Filomeno Paixão husu ba povu Timor-Leste tomak atu tuur hakmatek hodi entrega ba lider sira atu buka solusaun.

Ministru ne’e dehan, Timor-Leste laos foin hasoru krize, no lider sira hatudu ona katak sira iha kompetensia no kapasidade hodi rezolve.

"Populasaun idaidak tuur nonok iha fatin, ita-nia lider partidariu sira sei iha. Ita-nia Prezidente Repúblika, Prezidente Parlamentu, Primeiru Ministru iha, Membru governu ne'ebé kaer iha area sira ne'e sei iha hotu. Portantu, iha posibilidade par ita deside situasaun ida ne'e," dehan Paixão iha Palasiu Prezidensial Nicolau Lobato Bairo-pité, foin lalais.

Tuir nia, impase politika iha TL ne’e akontese dezde tinan 2017 to’o agora tan ne’e sei iha posibilidade atu utrapasa.

"Hein katak ita-nia lider partidáriu sira, primeiru iha Kompetensia i depois iha kapasidade par ita utrapasa situasaun ida ne'e," Paixão afirma.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.