Tuir xefe bankada ne’e, TR indefere pedidu ne’ebé CNRT hato’o tanba la haree ba asuntu, maibé haree de’it ba ninia prosedimentu.
"Indefere pedidu ne'e tanba Tribunal Rekursu la haree ba asuntu maibé nia haree de'it ba ninia prosedimentu de'it, tanba nia dehan ne'e desizaun politika, laiha kontrolu husi Tribunal Rekursu, ida ne'e mak ninia deklarasaun, ne'ebe ita haree iha Timor ne'e laiha justisa ona," dehan Duarte iha PN, Segunda (01/06).
Maske TR indefere ona, maibé Xefe bankada CNRT ne'e dehan, nia parte sei tuur hamutuk hodi haree asaun saida mak sei halo fali.
"Se Tribunal Rekursu nia desizaun lakohi haree asuntu politika, so desizaun haree ba krime de'it, ne'ebé ita haree ohin ami hamutuk depois mak ita haree took," dehan nia.
Hatan kona-ba bainhira mak deputadu sira tuir plenaria PN, Xefe Bankada ne’e dehan, deputadu CNRT sira sei tuur hamutuk hodi foti desizaun.
"Orsida mak ami tuur hamutuk sei deside bainhira mak atu tuir plenaria, ami sei hein kolega balun sidauk mai, ami hein mai hotu mak ami tuur hamutuk par deside," katak Duarte.
