Tuir deputadu Fretilin Fabião de Oliveira katak, se atuál Prezidente Autoriedade RAEOA inkapasidade di'ak liu nomeia PA RAEOA foun.
"Hakarak rekomenda ba governu, se karik PA RAEOA no ZEESM atuál mak inkapasidade, mak rekomenda ba Konsellu Ministru (KM) para foti desizaun hodi nomeia fali prezidente foun para kaer fali RAEOA no ZEESM atu kontinua fola fali ne'ebé ho konsensu nasionál iha Parlamentu Nasionál (PN) ida ne'e," dehan deputadu Fabião de Oliveira iha plenária PN, Segunda (01/06)
Tuir nian, atu nomeia fali PA RAEOA no ZEESM foun, tanba atuál PA la hatudu pertensia hanesan lideransa Raeoa no Zeesm.
"Señor José Luis Guterres "LUGU" simu tiha pose husi Primeiru Ministru (PM) nu'udar Prezidente Autoriedade RAEOA nian, la hatudu sentidu pertensia hanesan lideransa ida iha RAEOA, tanba saida? Tanba povu Atoni Oekusse oan kestiona, tanba fulan hitu ona, la halo kontinuasaun ba programa sira iha Raeoa ne'ebé PA sesante Marí Alkatiri rai hela," dehan Fabião
Nia mós dehan, PA RAEOA atuál nu'udar prezidente serimoniál de'it.
"PA RAEOA agora, señor José Luis Guterres hanesan prezidente serimoniál, tanba saida ha'u dehan nune'e l, tanba PA RAEOA so ba halo inagurasaun ba projeitu sira ne'ebé NGO sira hala'o ona, laiha planu ida feitu hodi kontinua projeitu iha RAEOA no ZEESM," dehan Fabião
Deputadu ne'e mós afirma, durante mandatu PA RAEOA atuál Lugu so halo krítiku de'it ba servisu sira ne'ebé prezidente RAEOA husik hela.
"PA Lugu somente ba kestiona de'it mão de obra ne'ebé doutór Marí Alkatiri iha momentu ne'ebá halo, entaun ida ne'e ha'u hanoin laiha planu atu kontinuidade ba estadu ida ne'e iha futuru," nia afirma