Login to your account

Username *
Password *
Remember Me

Loron Dahuluk Fila ba Plenaria, CNRT ho Aliadu Lakon tan Kadeira

Plenaria Parlamentu Nasional Timor Leste Plenaria Parlamentu Nasional Timor Leste Foto Arkivu

Tempotimor (Dili)-Hafoin deside tuir fila fali plenaria Parlamentu Nasionál, bankada CNRT ho nia aliadu sira tenke ho fuan boot simu tan realidade lakon kadeira rua iha meza Parlamentu Nasionál ne’ebé durante ne’e sira-nia deputadu na’in rua okupa.

PN iha Tersa (02/06) ajenda destituisaun ba Sekretaria no Vise Sekretaria meza PN.

Liu husi prosesu votasaun, maioria deputadu deside hodi troka Sekretaria meza PN Maria Terezinha Viegas (CNRT) no Vise Sekretaria meza PN Isabel Ximenes (UDT/FM).

Deputadu na’in rua ne’ebé eleitu ho votus a favor 41, kontra 0, abstensaun 3, mak Deputada Lídia Norberta dos Santos Martins husi bankada FRETILIN nu’udar Sekretária no Deputadu António Nobre Tilman husi bankada KHUNTO nu’udar Vise Sekretáriu meza PN. Entretantu Deputadu nain 23 la marka prezensa durante eleisaun iha plenária.

"Husi rezultadu ne'ebé iha mak deputada Maria Terezinha Viegas  husi bankada CNRT no deputada Isabel Ximenes husi bankada UDT/FM destituida husi sekretária no vise sekretária meza PN," deklara Prezidente PN Aniceto Guterres hafoin votasaun, Tersa (02/06).

Ho rezultadu ida ne’e, Aniceto dehan deputada Lidia husi bankada FRETILIN eleitu ba  kargu sekretária no deputadu António husi KHUNTO eleitu ba kargu vise sekretária meza PN.

Hafoin rezultadu votasaun ne’e, PN sei komunika ba Prezidente Republika no Primeiru Ministru kona-ba kompozisaun foun meza PN.

"Tuir artigu 19 númeru 6 katak, banhira remata ona reuniaun, maka PPN tenke komunika ba Prezidente Repúblika (PR) no Primeiru Ministru (PM) kona-ba kompozisaun meza PN foun ne'ebé kompleitu ona. Tanba ne'e aban PPN sei hasoru malu ho PR, nune'e kompozisaun meza PN sei ba hotu hodi aproveita komprimenta ba PR," dehan Aniceto.

Entretantu, deputadu sira husi bankada ne’ebé hola parte iha destituisaun no votasaun ba sekretária no vise sekretária meza PN mai husi bankada FRETILIN, PLP, KHUNTO, PD no PUDD. Enkuantu bankada CNRT no UDT/FM aujente.

Rate this item
(0 votes)
Last modified on Wednesday, 03 June 2020 13:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter