CNRT Prontu Kolabora Troka Prezidente Komisaun Espesializa PN

Xefe Bankada CNRT, Duarte Nunes ko'alia ba Jornalista sira iha resintu Parlamentu Nasional (3/6) Xefe Bankada CNRT, Duarte Nunes ko'alia ba Jornalista sira iha resintu Parlamentu Nasional (3/6) Foto Tempo Timor

Temopotimor (Dili)-Xefe Bankada CNRT iha Parlamentu Nasionál Duarte Nunes hatete, bankada CNRT prontu kolabora ho bankada FRETILIN, PLP no KHUNTO hodi troka Prezidente Komisaun Espesializada.

Duarte dehan, bankada CNRT fó ona instrusaun ba deputadu CNRT sira ne’ebé lidera komisaun bele kria reuniaun hodi halo eleisaun atu transfere kargu ba deputadu seluk.

"Komisaun sira atu troka hotu ami prontu ona, tanba ohin ami ba ko'alia ona ho kolega sira karik iha Komisaun ruma mak CNRT mak Prezidente no Vise Prezidente entaun ida sa’e ba lidera depois halo eleisaun transfere ba ida foun, hanoin buat hotu la'o di’ak," dehan Duarte iha PN, Kuarta (03/06).

Aleinde ne’e, Xefe Bankada CNRT ne’e mós dehan, bankada CNRT prontu ona atu sai opozisaun kritiku iha PN no sei hakilar nafatin bainhira bankada apoiu governu kontra lei.

Duarte dehan, nu’udar opozisaun iha PN nia parte sei buka atu hatudu buat ne’ebé sira iha no kontinua kritika buat ne’ebé la loos  iha PN.

"Opozisaun kritika no hatudu buat ne'ebé la loos, sira kundu kontra lei ami sei hakilar nafatin, maske Tribunal Rekursu dehan sira mak loos hotu maibé ami hakilar nafatin," dehan nia.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.