Print this page

Kompozisaun Meza PN Foun Kumprimenta PR Lú-Olo

Prezidente Parlamentu Nasional, Aniceto Guterres hamutuk ho Vise Prezidente PN rua no Sekretaria Meza PN nian komprimenta Prezidente da Republika, Francisco Guterres Lu Olo iha Palasiu Prezidensial, Dili (3/6) Prezidente Parlamentu Nasional, Aniceto Guterres hamutuk ho Vise Prezidente PN rua no Sekretaria Meza PN nian komprimenta Prezidente da Republika, Francisco Guterres Lu Olo iha Palasiu Prezidensial, Dili (3/6) Foto Midia PR

Tempotimor (Dili)-Kuarta-feira ohin Prezidente Parlamentu Nasionál (PPN) eleitu Aniceto Longuinhos Guterres Lopes hamutuk ho nia estrutura kumprimenta Prezidente Repúblika (PR) Francisco Guterres Lú-Olo katak, kompozisaun meza Parlamentu Nasionál (PN) prontu ona atu serví.

"Ohin ami meza PN tomak ne’e mai hotu. Meza ida ne'e ninia kompozisaun foun, mai komprimenta PR Francisco Guterres Lú-Olo, nomós informa mós ba eselénsia kona-ba, situasaun parlamentu nian, antes no depois de mosu alterasaun ba prezidénsia ho meza PN to’o agora," dehan Prezidente PN Aniceto Longuinhos Guterres Lopes iha Palásiu Prezidensiál bairu-pite Dili, Kuarta (03/06).

Nia mós dehan, kompozisaun meza PN nian, foun, ne'ebé kompostu husi Prezidente PN, Vise PPN na'in rua no Sekretaria na'in tolu.

"Ami mai hatudu ba PR katak, meza ida ne'e prontu atu serví PN, orgaun soberania, prontu atu kolabora desizaun estadu, hodi hakotu impase polítika," dehan aniceto.

Entretantu kompozisaun meza PN ne'ebé hasoru PR Lú-Olo mak hanesan, PPN Aniceto Longuinhos Guterres Lopes, vise dahuluk PPN Maria Angelina Sarmento, vise daruak Luis Roberto da Silva, no Sekretária meza Lidia Norberta dos Santos, vise sekretáriu Antonino Nobre Tilman, no vise sekretária daruak Regina Freitas.

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items