Prezidente Foun Komisaun A ‘Borluli’ Promete sei Aselera LAK

Prezidente Komisaun A, Joaquin dos santos 'Borluli' ko'alia ba jornalista iha Parlamentu nasional Prezidente Komisaun A, Joaquin dos santos 'Borluli' ko'alia ba jornalista iha Parlamentu nasional foto suplai

Tempotimor (Dili)- Prezidente Komisaun A Parlamentu Nasionál foun, deputadu Joaquim do Santos ‘Borluli’ promete katak, durante mandatu sei organiza Lei Anti Korupsaun (LAK) ho lalais atu bele finaliza iha tempu badak.

“Ohin halo mudansa ba komisaun A, maioria fó fiar ba ha’u. Fransisco Vasconcelhos ba Vise- no deputadu Jose Paiseco ba sekretária. Ami simu sira nia votu konfiansa politiku atu halo servisu iha komisaun A hodi haree ba lei sira ne'ebé pendente. Lei ne'ebé urjente mak Lei Anti Korupsaun, molok tinan ida ne'e remata finaliza", dehan Borluli’ iha PN, Kuarta (03/06).

Nia dehan, deputadu sira maioria fo votus ne'e no husu atu aselera lalais lei lei anti korrupsaun, lei poder lokál no lei protesaun sivil.

Iha eleisaun ne’e, iha deputadu na’in 11 mak marka prezensa no na’in 4 aujente inklui prezidente komisaun A no deputadu sira husi bankada CNRT la marka prezensa.

Antes ne'e, Komisaun A Parlamentu Nasionál trata asuntu Konstitusionais no Justisa, lidera husi Prezidente Komisaun deputada Carmelita Moniz husi bankada CNRT no Vise-Prezidente deputadu Fransisco Vasconcelhos husi bankada PLP.

Rate this item
(1 Vote)
Last modified on Thursday, 04 June 2020 00:47
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.