PM Taur Fó Hanoin ba MF Prepara OJE 2020 no 2021

Ministru Finansas, Fernando Hanjam ko;alia ba Jornalista sira hafoin hasoru malu ho PM Taur Matan Ruak iha Palasiu do Governu (5/6) Ministru Finansas, Fernando Hanjam ko;alia ba Jornalista sira hafoin hasoru malu ho PM Taur Matan Ruak iha Palasiu do Governu (5/6) Foto Isac Oliviera

Tempotimor (Dili)-Primeiru Ministru (PM) Taur Matan Ruak bolu Ministru Finansas (MF) Fernando Hanjam hodi fó hanoin kona-ba oinsa preparasaun Orsamentu Jerál Estadu (OJE) 2020 no 2021.

Tuir planu, governu konstitusional daualu sei aprezenta fila fali OJE 2020 ba PN no sei aprezenta mós OJE 2021.

"Sua eselénsia PM fó hanoin de'it oinsa mak bele prepara OJE 2020 no 2021 nian ho didi'ak, tanba OJE 2020 ami sei submete ba PN iha fulan Setembru no OJE 2021 sei submete ba PN iha 15 Outubru 2020, entaun ami preparadu agora par molok to'o iha ne'ebá preparadu ona," dehan Ministru Fernando Hanjam iha Palásiu Governu, Sesta (05/06).

Daudauk ne’e, nia hatete, MF seidauk komunika ho ministériu sira kona-ba preparasaun ba OJE tanba seidauk hetan orientasaun husi Konsellu Ministru.

"Agora ita seidauk bele komunika ba iha Ministériu sira, mais kuandu klaru ona no hetan ona orientasaun husi Konsellu Ministru mak MF sei komunika ba ministériu sira seluk par bele prepara ho di'ak," nia dehan.

Rate this item
(0 votes)
Last modified on Friday, 05 June 2020 14:20
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.