Print this page

Ofisialmente PD Deklara Viabiliza VIII Governu

Lideransa PD halo konferensia Imprensa hodi deklara apoiu VIII Governu Konstitusional too 2023 (5/6) Lideransa PD halo konferensia Imprensa hodi deklara apoiu VIII Governu Konstitusional too 2023 (5/6) Foto Tempo Timor

Temopotimor (Dili)- Partidu Demokratiku (PD) reafirma nia pozisaun hodi viabiliza oitavu governu ne'ebe lifdera husi Primeiru Ministru Taur Matan Ruak nune'e bele hakotu impase politika iha nasaun ne'e no normaliza fali ekonomia Timor-Leste nian. Prezidente Partidu Demokratiku Mariano Asanami Sabino ofisialmente deklara pozisaun refere iha sede partdiu Demokratiku Kolmera Dili.

"PD kaer nafatin nia prinsipiu hakarak kontribui ba hakotu impase politika, kontribui normaliza ekonomia no kontribui aposta dialogu. PD kontribui, viabiliza nafatin hanesan postura PD nian ne'ebe mak hotu-hotu asiste katak, bainhira ami opozisaun mos ami viabiliza ba governu ida liu-ba no ohin ami mantein nafatin governu ida agora tenke la'o ba oin, hodi nune'e par hakotu impase politika", dehan Asanami liu-husi konferensia imprensa iha Sede PD kolmera, sesta (05/06).

Prezidente PD hatutan, pozisaun PD nian iha Parlamentu Nasional atu opozisaun mos nafatin mantein prinsipiu katak, viabiliza governu ne'e la'o to'o rohan.

"Viabiliza governu Signifika PD la'os sai opozisaun iha Parlamentu Nasional, Nia hatan, hau hanoin lia-fuan ida viabiliza ne'e publiku hotu-hotu komprende ona, ne'ebe iha momentu ida liu-ba fizikamente ami kuandu opozisaun mos ami afavor ba programa ne'ebe diak. Se ohin ami dehan mantein ho prinsipiu ida atu viabiliza entaun ami kaer nafatin prinsipiu ida ne'e no ami prontu nafatin ita la'o ba oin", Nia afirma

Nia dehan, PD ho prinsipiu atu aposta nafatin dialogu par lori lider sira tur hamutuk ko'alia ba malu fo liman ba malu hodi tane rai ne'e ba oin.

"Ami aposta nafatin dialogu par ema hotu partese husi rai ida ne'e no rekoinese ba malu katak rai ne'e ita hotu nian i ita hotu tenke fo liman ba malu",Nia hakotu

Rate this item
(1 Vote)
Last modified on Friday, 05 June 2020 17:33
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com