Print this page
Politika

Patrocino: CNRT mak Na’in ba Programa Governu Daualu

By June 08, 2020 2827
Vise Xefe Bankada CNRT, Patrocino dos Reis ko'alia ba Jornalista sira iha resintu Parlamentu Nasional (8/6) Vise Xefe Bankada CNRT, Patrocino dos Reis ko'alia ba Jornalista sira iha resintu Parlamentu Nasional (8/6) Foto Tempo Timor

Tempotimor (Dili)-Vise Xefe Bankada CNRT Patrocino dos Reis Fernandes deklara, governu konstitusional daualu ne’ebé daudauk ne’e la’o hela laiha programa, tanba programa ne’ebé iha ne’e programa partidu CNRT ninian.

"Ita la hatene governu ida ne'e nia programa ida ne'ebé mak ita aprova iha PN, ita hatene katak governu ida ne'e programa laiha, agora ita atu ko'alia halo nusa, tanba programa ida ne'ebé aprova iha PN ne'e na'in mak CNRT, ne'ebé ha'u la hatene governu ida ne'e ezekuta programa ida ne'ebé," dehan Patrocino iha PN, Segunda (08/06).

Deputadu ne’e dehan, maske governu ne’e laiha programa, maibé governu iha pasta foun barak.

"Kria pasta barak ne'e so kria de'it dezpeza ba estadu, ne'ebé la hatene pasta sira kria mais atu ba sustenta programa ida ne'ebé?”.

Tuir Patrocino bainhira governu ne’ebé lidera husi PM Taur mak implementa programa CNRT ne'e inkonstituisionál.

"Ne'ebé sira se implementa nafatin programa CNRT nian ne'e inkonstituisionál, tanba programa ne'e CNRT nian, entaun ba oin ita sei haree kona-ba krítika ne'e," nia dehan.

Rate this item
(2 votes)
Tags
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items