Governu TL Prepara Kuarentena ba Trabaladór Korea-Australia

SEFOPE Juliao da Silva ko'alia ba jornalista sira hafoin hasoru-malu ho Primeiru Ministru iha palasiu governu, tersa (09/06). SEFOPE Juliao da Silva ko'alia ba jornalista sira hafoin hasoru-malu ho Primeiru Ministru iha palasiu governu, tersa (09/06). Foto Tempo Timor

Tempotimor (Dili)-Governu Timor-Leste sei prepara kuarentena hodi bele akumula Timor-oan besik na’in 90 ne’ebé durante ne’e hala’o serbisu iha Autralia no Korea Sul.

Sekretariu Estadu Formasaun Profesional no Empregu (SEFOPE) Julião da Silva hatete, nia parte sei serbisu hamutuk ho Sentru Integradu Jestaun Krizi (SIJK) hodi prepara kuarentena ba traballador Timor-oan ne'ebé serbisu iha Australia no Korea.

"Ohin mai hasoru Primeiru Ministru atu update hela situasaun kona-ba sidadaun Timor-oan sira ne'ebé ninia kontratu remata ona iha Korea inklui balun iha Australia ne'ebé agora sira aplika fali viza protation, signifika sira sai traballador ilegal iha Australia, na’in 20 resin no mós ita-nia sidadaun balun hetan situasaun gravida entaun sira tenke fila mai Timor-Leste," informa nia hafoin hasoru-malu ho Primeiru Ministru Taur Matan Ruak iha palasiu governu, Tersa (09/06).

Nia hatete, relasiona ho pandemia Covid-19, trabaladór Timor-oan sira iha rai li’ur ne’ebé sei fila mai TL presiza mós kumpre periodu inkubasaun iha kuarentena.

"Agora situasaun Covid-19 entaun ami presiza servisu hamutuk ho Sentru Integradu Jestaun Krize atu oinsa mak prepara kuarentena ba ita-nia sidadaun sira.”

Julião dehan, ba trabaladór sira iha Australia fasil atu fila tanba aviaun Airnoth sei hala’o operasaun, problema mak sira ne’ebé serbisu iha Korea.

“Agora Korea nian mak ami sei halo komunikasaun ho governu Singapura ninian par bele autoriza vou hodi nune'e ita-nia sidadaun sira mai halo transit liu husi Singapura depois mai Timor-Leste."

Nia hatutan, tuir orientasaun PM Taur nian, karik posivel sir abele fila ona mai TL iha semana ida ne’e nia laran.

Husi trabaladór sira ne’e, tuir informasaun iha trabaladór na’in haat mak ho kondisaun isin-rua.

Sekretariu Estadu ne’e hatete tan, kona-ba finansiamentu atu fasilita traballadórr sira ne'e fali mai TL sei iha prosesu diskusaun, maibé traballadór sira mós prontu kontribui atu selu rasik, importante iha vou.

"Maske sira kontribui atu selu rasik, maibé ohin ko'alia ho Primeiru Ministru par oinsa governu mós bele ajuda tanba situasaun ida la normal," dehan nia.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks