Deputadu CNRT husu Tuir Osan ba Covid-19

Deputada carmelita Moniz iha plenaria Parlamentu Nasional Deputada carmelita Moniz iha plenaria Parlamentu Nasional Foto Arkivu

Tempotimor (Dili)-Deputadu husi Bankada CNRT husu governu atu tenke hatudu rezultadu ezekusaun orsamentu millaun $250 ne’ebé aloka ba Covid-19, molok husu tan levantamentu estraordinariu Fundu Petroliferu.

Daudauk ne’e, governu aprezenta proposta levantamentu ida ba Parlamentu Nasionál hodi husu osan ho montante millaun $286.8.

Ba kestaun ida ne’e, deputada CNRT Carmelita Moniz hatete, bankada CNRT prontu atu fó apoiu ba proposta levantamentu ne’e, maibé governu tenke fó justifikasaun loloos.

Carmelita husu governu tenke hatudu ezukusaun orsamentu Covid-19 to'o iha ne'ebé, molok PN deskute levantamentu estraordinaria FP.

"Saldo antes ne'e ezukuta ba iha ne'ebe? to'o iha ne'ebe? tan ne'e agora governu mai husu, tan ne'e tenke hatudu rezultadu," dehan deputada ne’e iha PN, Segunda (15/06).

Entretantu, governu hatama pedidu levantamentu estraordinériu FP ba PN iha 10 Juñu 2020.

Governu fó razaun katak osan millaun $286.8 ne’e atu reforsa saldo estadu, inklui fundu ba Covid-19.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.