Pedidu Levantamentu FP Pasa, Aban Audiénsia Públika

Plenaria Parlamentu nasional Plenaria Parlamentu nasional Foto File

Tempotimor (Dili)- Parlamentu Nasionál (PN), aprova ona pedidu governu nian, ne'ebe husu atu halo levantamentu estraordinária ba Fudu Petrolífeiru (FP) ho montante $ 286.8 ho karáter urjénsia, no baixa ona iha Komisaun C ne’ebé tuir planu aban sei halo audiénsia públika ho entidade sira.

Prezidente Parlamentu Nasionál (PPN) Aniceto Longuinhos Guteres hateten, deputadu hotu-hotu aseita no fó autorizasaun ba governu, hodi halo levantamentu estraordinária ba fundu petrolífeiru, iha de’it mak diferénsia ideia ba pedidu refere atu trata urjénsia ou prosesu normál, tanba ne'e desizaun ikus liu-hosi votasaun.

Iha votasaun ne’e, deputadu na’in 43 vota a favór ba pedidu levantamentu ne’e ho karáter urjénsia.

"Rezultadu votasaun a favór 43, kontra 16 no abstensaun ida. Nune'e, proposta Lei ida ne'e tenke trata duni ho urjénsia no la'o tuir kalendáriu ne'ebé komisaun C prepara tiha ona", Aniceto anunsia liuhusi plenária, segunda (15/06).

Tanba ne'e, proposta refere baixa kedan ba komisaun C, no tuir oráriu aban sei halo audiénsia públika ho entidade sira.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.