Sidadaun Estranjeiru Na'in 13 Negativu Covid-19

Porta Voz SIJK, dr. Rui Araujo ko'alia ba midia sira iha Sala Situasaun, CCD Porta Voz SIJK, dr. Rui Araujo ko'alia ba midia sira iha Sala Situasaun, CCD Foto file

Tempotimor (Dili)- Sidadaun estranjeiru na'in 11 husi Vietname no na'in rua husi Indonézia ne'ebé tama ho Ró privadu iha illa Jaco, munisípiu Lautem, iha loron 12 fulan Juñu 2020, livre husi Corona Virus (COVID-19), hafoin hetan teste laboratóriu husi Sentru Integradu Jestaun Krize (SIJK).

"Sidadaun na’in 13 ne’e, kompostu husi Vietnamese mane 8 no feto na'in 3, hamutuk ho sidadaun Indonéziu na'in 2, iha ona karantina ida Dili, maibé rezultadu teste laboratóriu hatudu negativu," Portavoz SIJK Doutór Rui Maria de Araújo iha sala situasaun ba jornalista sira, Segunda (15/06).

Oras ne'e dadaun, ekipa relevante sei halo akompañamentu ba sidadaun sira nia prosesu imigrasaun.

Entretantu, sidadaun hirak ne'e halo viajen iha loron 10 liu-bá, husi sidade Kendari, Provínsia Sulawesi Tengara, Indonézia no sidadaun sira ne'e tama iha Illa Jaco Munisípiu Lautem ho sira-nia ró rasik.

Informasaun husi SIJK katak, sidadaun sira ne'e tama iha Illa Jaco, tamba presiza ajuda kombustivel, hodi bele kontinua sira nia viajen iha tasi laran, maibé sira-nia ró avaria, nune'e, autoridade Munisípiu Lautem, hamutuk ho Unidade Resposta Rápida Sala Situasaun, SIJK transfere kedas, mai tama kuarentena iha Dili.

Maibe iha semana kotuk Xefe Estadu Major Jeneral F-FDTL nian informa uluk ona ba publiku kona ba sirkulasaun ro peska ilegal iha tasi teritoriu Timor Leste.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.