Foin lalais ne’e, PN aprova pedidu levantamentu estraordinaria fundu petroliferu hamutuk millaun $286.8 ne’ebé governu aprezenta.
Husi orsamentu ne’e, governu sei aloka millaun $70 ba rekuperasaun ekonomia.
Ba kestaun ida ne’e, Kalohan hatete, nia parte sei buka hatene skema ne’ebé governu uza hodi utuliza millaun $70 ba rekuperasaun ekonomia.
"Husi $286.8 milloes ne'e governu dehan katak aloka de'it $70 milloes ba iha rekuperasaun ekonomika, agora ida ne'e mak hanesan kestaun ida par ami sei buka hatene ninia eskema ne'ebe atu utiliza $70 milloes ne'e oinsa, atu selu saida mak bolu rekuperasaun ekonomia ka tenke iha buat ruma ne'ebé garantia ba kontinuidade ba ekonomia nasaun," dehan Kalohan iha Parlamentu Nasional, Tersa (16/06).
Aleinde ne’e, Kalohan mós husu orsamentu millaun $286.8 ne’e atu aumenta tan orsamentu ba Covid-19 ne'e orienta ona ba nesesidade ekipamentus, fasilidade hospitalaria nian ka lae.
"Covid-19 ne'e la'os ba fali agrikultór no fahe fali subsidiu ba kada uma-kai'n ne'e hanesan ita halo Covid-19 ne'e alasan de'it, maibé importante mak tenke rekuperasaun ekonomika no prepara kondisaun sira ne'ebé nesesita atu halo tratamentu kuandu ema hetan ona Covid-19 ne'e rasik," katak nia.