Duarte: Governu Tenke iha Planu, Labele husu Osan Arbiru de’it

Xefe Bankada CNRT, Duarte Nunes iha Plenaria parlamentu Nasional Xefe Bankada CNRT, Duarte Nunes iha Plenaria parlamentu Nasional Foto Tempo Timor

Tempotimor (Dili)- Xefe Bankada CNRT Duarte Nunes hatete, governu tenke iha planu hafoin bele husu osan ba Parlamentu Nasionál tanba osan ne’e povu nian nune’e tenke fó duni benefisiu ba povu.

Duarte hato’o deklarasaun ne’e relasiona ho pedidu governu ba levantamentu estraordinariu fundu petroliferu.

Deputadu ne’e hatete, governu husu ba PN atu halo levantamentu estraordinéria fundu petrolifeiru ho montante millaun $286.8, husi osan ne’e sei aloka millaun $70 ba rekuperasaun ekonomia.

Nia husu ba governu atu halo planu didi’ak atu nune’e osan refere labele gasta arbiru de’it.

"Parte governu mós tenke halo survei ka estudu ruma hodi bazeia ba ida ne'e par depois halo modelu intervensaun ne'ebe apropriadu, tanba osan ne'e povu nian, gasta depois la hadi'a buat ruma hanesan de'it," dehan Duarte iha PN, Tersa (16/06).

Duarte kestiona mós orsamentu millaun $70 ba rekuperasaun ekonomia, tanba bainhira governu laiha modelu rekuperasaun ne’ebé di’ak sei halo situasaun sai aat liu tan.

"Governu husu tan $70 milloes, ida ne'e mak ami hein programa iha ou lae no bazeia ba estudu saida i modelu di’ak ka lae, tanba se modelu di’ak sei hadi'a situasaun, kuandu modelu la di’ak sei halo situasaun sai at liu tan. Presiza estudu, labele hanoin tuur-tuur mai foti osan, laiha planu no programa, sira husu $70 milloes laiha planu, mai urjensia foti $70 milloes mais ba rai de'it."

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.