Print this page

TAIS Kondena Timoroan Baku Malu iha Norte Irlanda

Logo Tais no foto komunidade timoroan iha Norte Irlanda ne'ebe monta iha grupu facebook TAIS Logo Tais no foto komunidade timoroan iha Norte Irlanda ne'ebe monta iha grupu facebook TAIS Foto TAIS

Tempo Timor (Dili)- Timorese Association Inclusive Support (TAIS) kondena makaas insidente ka timoroan sira ne’ebé baku malu to’o balun kanek, iha Market Square, Thomas Street no Union Place, Norte Irlanda, sábadu (13/06).

Prezidente TAIS Felix de Jesus hato’o lamentasaun no kondena akontesimentu baku-malu ne'ebé involve grupu Timoroan balun iha Norte Irlanda, tanba tuir nia, ida ne’e la hatudu identidade loloos nu’udár timoroan iha estranjeiru.

“Rona tiha autoridade sira nia preokupasaun no indignasaun públika kona-ba insidente ne’e, TAIS labele subar ninia tristeza”, Felix de Jesus hakerek iha grupu facebook TAIS nian.

TAIS apela ba joven sira atu hela hakmatek iha uma no adere ba distansia sosial hodi hatudu netik sentidu solidariedade ba ema hirak ne’ebé mate mesak iha ospitál, familia rasik labele ba haré tanba kumpre regra husi Organizasaun Mundiál saúde.

“Husu atu habelar autoridade PSNI nia pedidu hodi fasilita investigasaun, nune’e husu ba maluk Timor-oan sira ne’ebé mak iha informasaun ruma, vídeo ka evidénsia bele hato'o hela ba polisia liu-husi telefone 101, temi ho referencia 1647, 13/06/2020!”, autoridade TAIS apela.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com