"Planu hela atu kuadru sira prepara aan, nune’e, situasaun normál karik hanesan agora, ita la presiza tan atu estende estadu emerjénsia", Fidelis hateten ba jornalista sira iha Palásiu Governu, hafoin reuniaun Konsellu Ministru, Kuarta (17/06).
Governante ne'e dehan, bainhira governu la estende tan EE, maibé, governu nafatin iha obrigasaun atu proteze nia sidadaun sira.
"Tanba ida ne'e mak ita tenke hanoin, haree ba kuadru legál sira, oinsa, maski laiha ona estadu emerjénsia, maibé bele kontinua asegura ita nia sidadaun sira nia saúde, fó protesaun hodi labele difikulta fali ezekutivu ninia kompeténsia atu halo atuasaun", dehan Fidelis.
Oras ne’e daudaun, Timor-Leste iha hela Estadu Emerejénsia (EE) datoluk, ne’ebé Prezidente Repúblika aplika, hahú hosi 28 -Maiu to’o 26 Juñu 2020.