Print this page

SEA Sertifika Supermerkadu 7 ne’ebé Apoiu Politika Zero Plastiku

Gabinete SEA, Demetrio Do Amaral De Carvalho halo avertura ba sorumutuk RAC foin lalais ne'e iha Timor Plaza Dili Gabinete SEA, Demetrio Do Amaral De Carvalho halo avertura ba sorumutuk RAC foin lalais ne'e iha Timor Plaza Dili Foto Midia SEA

Tempotimor (Dili)-Sekretariu Estadu Ambiente (SEA) fó apresiasaun ba empreza no supermerkadu ne’ebé durante ne’e apoiu politika governu nian kona-ba zero plastiku.

Apresiasaun ne’e Sekretariu Estadu Ambiente, Dimiotrio Amaral, oferese liu husi sertifikadu ba loza sira ne’ebé durante ne’e utuliza saku degradavel.

“Iha tempu hanesan ita servisu hamutuk ho importadór no loza sira par uza ona saku degradavel ne’e, hanesan husi ai-farina kulit ka matéria seluk, entaun husi hahú to’o agora, empreza lubuk ida mak importa sira-nia degradavel bag, ne’e mak ami halo avaliasaun ba empreza 10 resin, maibé ami rekoñese empreza hitu ne’ebé halo servisu eselente no extraordináriu iha área ida ne’e, entaun ami fó tiha ona sertifikadu apresiasaun ba sira,” dehan SEA Dimitrio iha resintu UNTL hafoin dezamina informasaun ba estudante sira iha Liceu-UNTL, Sesta (19/06).

Tuir dadus, Dimitrio dehan, iha ona supermerkadu lubuk ida iha kapital Dili mak uza ona degradavel.

Fofoun, Sekretariu Estadu ne’e dehan, bainhira supermerkadu sira foin hahú, ema barak lakohi uza, maibé agora ema barak iha ona konsensia.

“Husi testemuña empreza sira dehan katak, fofoun sira uza degradavél bag ne’e ema ladun hola sira-nia sasan, maibé sira ko’alia beibeik, sira ba foti rasik sira-nia bote, saku ka sira gasta sentavus 10 hodi hola degradavél bag sira ne’e, entaun ida ne’e hatudu mudansa atetude no mudansa komportamentu.”

Supermerkadu ne’ebé SEA rekoñese no sertifika ona mak hanesan, Kmanek, W-Four, Leader, Lita Store no supermerkadu tolu seluk tán.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items