PN sei Inisia Kriasaun Lei Cybercrime, MJ Asilera Kriminaliza Difamasaun

Deputadu husi bankada PLP, Abel Pires pires iha plenaria Parlamentu Nasional Deputadu husi bankada PLP, Abel Pires pires iha plenaria Parlamentu Nasional Foto Tempo Timor

Tempotimor (Dili)-Komisaun E Parlamentu Nasionál ne’ebé trata asuntu infra-estrutura, iha ona hanoin atu halo koordenasaun ho Ministériu Transporte no Komunikasaun hodi kria lei cybercrime atu bele regulariza media sosial.

Tuir Prezidente Komisaun E Abel Pires hatete, durante ne’e mosu identidade (ID) falsu iha Facebook ne’ebé gosta insultu, tolok, no falsifika informasaun hasoru lider istoriku sira.

"Ha'u hanesan prezidente komisaun E, Infra-estrutura, haree katak Timor-Leste presiza duni lei tranzasaun elektróniku no Cybercrime tanba depois de ita akonpaña, kuaze ema barak mak halo ID falsu hodi insulta, tolok, hatún lider sira-nia dignidade, buat sira ne'e mak PN sei koordena ho MTK atu bele haree kestaun ida ne'e," dehan Abel Pires iha Parlamentu Nasional, Kinta (02/07).

Abel dehan, molok ne’e nia parte konfirma ona ho parte governu, no governu mós aseita ba kriasaun cybercrime.

Iha parte seluk , antes ne'e Ministeiru Justica iha VIII Governu Konstitusional, Manuel Carceres da Costa dehan sei avansa ba oin ho nia proposta atu halo aletrasaun ba lei kodiku prosesu penal hodi kriminaliza difamasaun.

"Governu simu preokupasaun mais Estadu la'o ba oin, labele hakiduk ba kotuk no labele para", dehan Carseres hafoin reuniaun Konsellu Ministru, iha palasiu governu, Kuarta (01/07).

Tuir ministru ne'e, esbosu Lei Kriminaliza Defamasaun difine klaru ona, no pesiza de'it halo esplikasaun.

"Define ona, agora presiza esplikasaun koreta kona-ba saida mak difamasaun, tolok no kritika," dehan nia.

Tuir Asesor prinispal Timoroan ida iha Ministeiru da Justica dehan ba Tempo Timor katak kriminalizasaun difamasaun ne'e la'os sira nia prioridade no tuir nia katak drft kriminalizasaun difamasaun ne'e la tama iha sira nia prioridade 'fora area de cobertura ne'ebe derepente de'it."

Rate this item
(0 votes)
Last modified on Sunday, 05 July 2020 23:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.