Login to your account

Username *
Password *
Remember Me

“Eransa” husi Eis SEJD Sira ba Abrão: Problema Estadiu Manatuto no Estadiu Munisipal Dili

Sekretariu Estadu Juventude no Desportu (SEJD) Abrão Saldanha ko'alia ba jornalista sira hafoin hasoru-malu ho Primeiru Ministru Taur Matan Ruak iha palasiu governu, kinta (02/07). Sekretariu Estadu Juventude no Desportu (SEJD) Abrão Saldanha ko'alia ba jornalista sira hafoin hasoru-malu ho Primeiru Ministru Taur Matan Ruak iha palasiu governu, kinta (02/07). Foto Tempo Timor

Tempotimor (Dili)-Estadiu Kay Rala Xanana Gusmão ne’ebé harii iha Munisipiu Manatuto no Estadiu Munisipal Dili sai nu’udar problema todan ne’ebé eis Sekretariu Estadu Juventude no Deportu (SEJD) sira seluk inklui Nelio Isaac Sarmento husik hela ba Sekretariu Estadu foun Abrão Saldanha.

Konstrusaun ba Estadiu Kay Rala Xanana Gusmão halo husi Kompañia Obrai Unipesoal Lda ho valór orsamentu tokon $2. Maske projetu ne’e seidauk finaliza, maibé governu selu ona porsentu 60 ba kompaña refere.

Kazu hanesan mós akontese ba estadiu munisipal Dili, ne’ebé konstrui husi Kompañia Marino Interprise Lda ho orsamentu tokon $1,5. Governu selu ona pursentu 70, maibé projetu refere seidauk finalize to’o ohin loron.

Ba estadiu rua ne’e, Sekretariu Estadu Juventude no Desportu (SEJD) foun Abrão Saldanha rekoñese sai nu’udar problema ne’ebé nia simu husi eis SEJD.

"Problema ne'ebe ha’u simu mak estádiu Manatutu ho Dili ne'ebe mak to'o agora seidauk remata," dehan Abrão hafoin hasoru-malu ho Primeiru Ministru Taur Matan Ruak iha palasiu governu, Kinta (02/07).

Abrão dehan, bazeia ba informasaun ne’ebé nia parte simu husi tekniku sira katak, estadiu rua ne’e seidauk finaliza tanba problema iha finanseiru no kontratu.

"Konstrusaun estádiu seidauk hotu tanba problema iha empreza sira hala'o serbisu ne'e mak la konsege halo hotu, tanba balun problema iha finanseiru no kontratu, hanesan iha Dili rasik, kontratu adisional ne'ebé valor laiha no kontratu inisial laiha, tanba ne'e mak agora hanoin par oinsa tenke iha fali, problema ida ne'e iha ha’u-nia mandatu mak sei rezolve no defaktu katak iha duni problema ba projetu rua ne'e," nia hatete.

Nia hatutan, hafoin hala’o nia knar, nia komunika ona ho parte Finansas no Komisaun Nasionál Aprovizionamentu atu bele haree situasaun ida ne’e.

"Ha’u ko'alia ona ho Finansas ho Komisaun Nasional Aprovizionamentu atu bele haree situasaun ne'e, atu ami bele haree loloos husi internal saida, depois mak bolu empreza sira mai par bele haree solusaun ba oin."

Projetu konstrusaun ba estadiu rua ne’e, nia hatete, daudauk ne’e iha Ministériu Planu no Ordenamentu Teritorial (MPOT) nia okos, tan ne’e SEJD sei koordena atu buka solusaun.

SE Abrão dehan, iha ninia mandatu nia sei buka atu rezolve uluk problema balun ne'ebe impede projetu ne’e, hafoin kontinua buka solusaun ba konstrusaun.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter