Tempotimor (Dili) - Primeiru Ministru (PM), Taur Matan Ruak, husu Vise-Primeiru Ministru no Ministru Planu Ordenamentu Teritoriál (MPOT), José Maria dos Reis, atu aselera Lei Orgániku Ministériu nian atu bele funsiona.
Iha soru-mutu ho Xefe Governu hato'o de'it preparasaun durante iha Ministériu kona-ba organiku ministériu oinsá mak atu aselera orgániku para lori ba Konsellu Ministru dentru loron 60.
"Primeiru Ministru husu se bele lalais ne'e di'ak liutan para bele tau ona funsionamentu Ministériu ne'e la'o ba oin", dehan José Reis, hafoin hasoru-malu ho Primeiru Ministru, Taur Matan Ruak, iha Palásiu Governu, Segunda (06/07).
Alende ne'e, nia parte simu ona lei tolu husi Ministériu Obras Publika (MOP) no dadaun entrega ona ba iha parte legal sira ho nune'e iha tempu badak lori mai iha Konsellu Ministru para bele hetan aprovasaun.
Nia dehan, prosesu preparasaun ba lei ne'e seman rua ka tolu bele aprezenta ona mai Konsellu Ministru.
Entertantu, lei ne'ebe Ministériu Obras Publika (MOP) entrega ba iha Ministériu Planu Ordenamentu Teritorial (MPOT) mak hanesan, lei rejime jurídiku edifikasaun no urbanizasaun, rejime instrumentu planeamentu territorial no mós lei klasifikasaun no kualifikasaun uzu de solu. (*)