Login to your account

Username *
Password *
Remember Me

Deputadu Rekomenda Estudante Hotu Pasa Ezame, MAPKOMS Hola Nota

Parlamentu Nasional Parlamentu Nasional Foto File

Tempotimor (Dili) - Deputadu Parlamentu Nasionál husu ba governu liuhusi Ministériu Edukasaun (ME) tenke kria politika ida di'ak atu fo fleksibilidade ba estudante hotu bele pasa iha ezame trimestrál no nasionál.

Deputadu Bankada Kmanek Haburas Unidade Nasional Timor Oan (KHUNTO), António Verdial, rekomenda asuntu ligadu ho situasaun Covid-19 ne'ebe Estadu Timor-Leste dekreta Estadu Emerjénsia durante fulan tolu no implika ba prosesu aprendizajen.

"Ita-nia oan sira iha tempu ezame tenke fó kebebasan ba sira ho objetivu klaramenta sira naik kelas hotu, ida ne’e mak importante", dehan nia, iha Parlamentu Nasionál, Tersa (7/7).

Nia dehan, fó pasa ba estudante sira la signifika atu fó de'it maibé, presiza kria polítika di'ak para bele benefisiu ba estudante hotu-hotu.

Deputadu António ne'ebe hola parte mos iha komisaun G Parlamentu Nasionál, trata asuntu Edukasaun ne'e hatete, iha tempu badak sei bolu Ministru Ensinu Báziku no Ministru Edukasaun Ensinu Superiór Siénsia no Kultura (MESSK) atu haree ba edukasaun ne'ebé di'ak liután iha Timor-Leste.

Alende ne'e, presiza servisu hamutuk ho Ministériu Justisa (MJ) hodi orienta Sekretáriu Estadu Teras no Propriedade servisu kadestrais atu ezekuta orden ne’ebé hatúr tiha ona iha lei nu. 1/2003 10 de março, kona-ba eviksaun ba família sira ne'ebé hela iha resintu eskola nian.

"Favór boot servisu hamutuk indentifika projetu sira ne’e no oinsá koopera malu didi'ak oinsá atu re-aloka ita-nia família ne’ebé hela iha resintu eskola atu nune’e fó hikas uma sira ne’e ba eskola atu estudante sira ne’e uza atu bele hala’o aprendisajem", Nia salienta.

Entretantu, asuntu hirak nee Ministru Asuntu Parlamentár no Komunikasaun Sosiál (MAPKOS), Francisco Jerónimo, hola nota no informa ba deputadu sira katak sei hato'o ba Ministériu Edukasaun.

"Rekomendasaun ne'e ha'u sei enkamina ba ministériu kompetente," tenik nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter