Reitor ne’e dehan, se razaun MJ fó prioridade ba Lei Difamasaun tanba lei refere benefisia povu Timor-Leste, entaun presiza intrega ba povu, sosiadade sivil, akademista no parte igreja hodi fó hanoin.
"Ha’u hanoin desizaun governu liu husi ministériu justisa ne'ebé kria ona esbosu lei ne'ebé hanesan prioridade ba governu atu dezenvolve, entaun di’ak liu fó ba povu, sosiedade sivil, akademista no parte igreja, depois deskuti sobre lei ida ne'e bele ka labele, hafoin deside," dehan Reitor Augosto hafoin enkontru ho Komisaun G Parlamentu Nasional (PN), Kuarta (08/07).
Maske nia konkorda ho esbosu lei refere maibé presiza haree ninia benifisiu ba povu Tinor-Leste ne'e oinsa, laos kriminaliza difamasaun no ikus halo povu lamenta.
“Di'ak liu governu haree ba asuntu sosiais, no asuntu produtivu ekonomia sira seluk hodi resolve,” dehan nia.