Lere Konsidera Naimori Hatene de’it kona-ba Manu, la’os Maromak

Konselleiru Maximu partidu KHUNTO iha okaziaun ruma iha nia kna'ar fatin Konselleiru Maximu partidu KHUNTO iha okaziaun ruma iha nia kna'ar fatin Foto Suplai

Tempotimor (Dili)-Xefe Estadu Maiór FALINTIL Forsa Defeza Timor-Leste (F-FDTL) Maijór Jenerál Lere Anan Timur konsidera Konselleru Másimu Partidu Kmanek Haburas Unidade Nasionál Timor Oan (Khunto) José dos Santos 'Naimori Bucar' hanoin sala ona tanba halo debate ho Amu Lulik sira.

Lere dehan, Naimori laiha background edukasaun kona-ba teolojia, tan ne’e lalika koko atu halo debate ho Amu Lulik sira koa-ba Maromak.

"Ha'u-nia alin Naimori ba debate fali ho Amu sira ne'e ha'u-nia alin hanoin sala ona, be nia la estuda teolójia, o ba diskute fali ho padre sira kona-ba Maromak ne'e, possa, o la manan ida," dehan Lere sira iha Palásiu Prezidensiál Bairu-pite Dili, Kuarta (08/07).

Lere husu ba Naimori atu lalika diskuti kona-ba Maromak ho Amu Lulik sira, tanba Amu Lulik sira estuda kona-ba teolojia

"Padre sira ne'e hatene teolójia, mais kuitadu ba Naimori ida la hatene teolójia ne'e ba halo fali debate ho Amu sira ne'e. Agora kona-ba manu raan, manu aten sira ne'e Naimori hatene liu, i agora demokrásia, mais demokrásia tenke iha limitasaun," dehan nia.

Lere husu ba Konselleru Másimu partidu Khunto atu kuidadu, no buka oinsa atu haboot nia partidu hodi ukun nasaun ne’e.

"Alin Naimori mós tenke kuidadu, kuidadu, halo oinsa mak o nia partidu ne'e sai boot par ukun nasaun ne'e," nia dehan.

Rate this item
(4 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.