Governu Ezonera Monteiro Nu'udar Prezidente Timor GAP

Eis Prezidente Konsellu Administrasaun Timor Gap Francisco da Costa Monteiro Eis Prezidente Konsellu Administrasaun Timor Gap Francisco da Costa Monteiro Foto Suplai

Tempotimor (Dili) - Governu liuhusi reuniaun Konsellu Ministru (KM) aprova projetu deliberasaun ezonerasaun ba Francisco da Costa Monteiro husi kargu Prezidente Konsellu Administrasaun Timor GAP no Prezidente Diresaun Ezekutivu.

Nune'e, Governu mós halo nomeasaun ba António José Loiola de Sousa hodi troka pozisaun Francisco Monteiro.

"Proposta ida husi Ministru Petroleu no Minerais kona-ba ezonerasaun Francisco da Costa Monteiro ba Prezidente Konsellu Administrasaun Timor GAP - Timor Gas no Petroleu, E.P no Prezidente ne'e hala'o mos knaar hanesan Prezidente Diresaun Ezekutiva", dehan Ministru Prezidénsia Konsellu Ministru, Fidelis Magalhães, hafoin reuniaun Konsellu Ministru, iha Palásiu Governu, Kuarta (8/7).

Nia dehan, projetu deliberasaun ne'e aprova ona iha Konsellu Ministru kona-ba ezonerasaun Fransisco Monteiro husi kargu Prezidente Konsellu Administrasaun Timor Gap-Timor Gas no Petroliu no nomeia fali António José Loiola de Soausa ba kargu hanesan. (*)

Rate this item
(1 Vote)
Last modified on Wednesday, 08 July 2020 16:03
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.