Print this page

Governu Hahú ona Pagamentu Ba Fatin Kuarentena

Ministra Saúde (MS), Odete Maria Freitas Belo iha reuniaun Konsellu Ministru (8/7) Ministra Saúde (MS), Odete Maria Freitas Belo iha reuniaun Konsellu Ministru (8/7) Foto Midia PM

Tempotimor (Dili) - Tuir Ministra Saúde (MS), Odete Maria Freitas Belo hateten, pagamentu ba otél sira ne'ebé durante iha periodu Estadu Emerjénsia sai kuarentena.


"Iha semana kotuk pagamentu la la'o, maibé iha semana ne'e hahú Segunda (6/7), hahú ona pagamentu ba sira ne'ebé dokumentu loos ona," dehan nia, ba jornalista sira iha Palásiu Governu, Kuarta (08/07).

Ministra mós dehan, otel balun seidauk halo pagamentu tanba dokumentu seidauk kompletu.

"Iha otél balun ita ba husu atu uza maibé sira mós balun domumentu laiha, mas servisu ne'e la'o nafatin, kuandu tempu to'o ema sai hotu ita halo pagamentu," dehan Odete.

Ba sira ne'ebé dokumentu la kompletu tenke bolu fali para sira submete fali sira-nia dokumentu no asina fali, tanba ne'e mak halo pagamentu atrazu.

Governante ne'e dehan, foin otél haat mak halo pagamentu, maibé seluk ne'ebé bolu apoiment request, entaun sira-nia dokumentu loos hotu ona haruka ba Ministériu Finansas (MF) atu halo pagamentu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items