Print this page

FUTL Ejize MJ Hapara Ezbosu Kriminalizasaun Lei Defamasaun

Reprezentante FUTL halo konferensia imprensa iha Kampuz UNTL Kaikoli (13/7) Reprezentante FUTL halo konferensia imprensa iha Kampuz UNTL Kaikoli (13/7) Foto Tempo Timor

Tempotimor (Dili) - Front Universitáriu Timor Leste ejize ba Ministru Justisa (MJ), Manuel Cárçeres atu hapara ezbosu lei kriminaliza defamasaun, tanba lei ne'e la valoriza prinsípiu Estadu Direitu Demokrátiku.


Portavós Front Universitáriu, Novelino dos Santos hateten, loloos governu inisia mak lei cyber crime (sibernetika) para regulariza utilizadór média sosiál sira, la'ós kriminaliza defamasaun.

Nia dehan, durante ne'e governante sira alerjia ba krítiku iha média sosiál, maibé Ministru Justisa tama sala kuartu, nune'e inisiál fali lei kriminaliza defamasaun.

"Ita hakarak ne'e aselera mak lei cyber crime para atu regulariza user sira ne'ebé utiliza média sosiál," dehan Novelino, iha Kampus Liceu, Segunda (13/7).

Nia dehan, meiu atu aselera lei cyber crime mak governu halo kooperasaun di'ak ho microsoft ka ajensia ne'ebé iha ligasaun ho internet, atu nune'e nasaun ne'e bele iha provider rasik.

Sira mós husu ba Ministru Justisa atu tetu hafoin halo lei, labele halo tuir gostu, hodi hamate liberdade sidadaun sira-nian no proteze ba koruptór no kriminalizadór sira. (*)

Rate this item
(1 Vote)
Last modified on Monday, 13 July 2020 14:06
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items