MAPKomS: Covid 19 La iha, Deputadu Ko'alia Nafatin Bele Loke EE iha De'it Fronteira

MAPKomS, Francisco Martins da Costa Pereira Jeronimo iha parlamentu Nasional MAPKomS, Francisco Martins da Costa Pereira Jeronimo iha parlamentu Nasional Foto File

Tempotimor (Dili) - Ministru Asuntu Parlamentár no Komunikasaun Sosiál, Francisco Martins da Costa Pereira Jerónimo hataan ba preokupasaun depatadu sira kona-ba Covid-19 katak, Covid 19 la iha ona mas governu haree hela kestaun ne'e, tanba deputadu sira ko'alia beibeik maka bele hanoin loke Estadu Emerjénsia (EE) maibé ameasa Covid-19 ba Timor ne'e boot teb-tebes.


Ministru hateten, fronteira kontinua loke dala ida de'it iha semana ida durante oras rua nia-laran.

"Ami hanoin hela katak karik kontinua hanesan ne'e, no kazu Covid-19 aumenta hanoin fila-fali atu halo proposta ba Prezidente Repúblika kona-ba karik bele ita estabelese fali Estadu Emerjensia, maibé ba ida de'it área fronteira," dehan Ministru Jerónimo, iha plenaria Uma f
Fukun Parlamentu, Segunda (13/7).

Ministru hatutan, sidadaun sira ne'ebé foin tama iha kuarta (8/7), oras ne'e iha kuarentena Tasi-Tolu durante tempu ne'ebé governu determina.

"Sira nafatin kontinua kumpre protokolu Orgnizasaun Mundial Saúde (OMS) nian katak bainhira sira tama mai tenke kumpre kuarentena loron 14 maka sira foin fila ba uma, se karik iha kazu ruma sei kontinua ba izolamentu," tenik nia.

Alende ne'e, Deputadu FRETELIN, David Dias Ximenes hateten, kuarentena iha Tasi-Tolu maibe sira mós hetan informasaun katak ema tama kuarentena diretór balun ba foti nia família lori ba uma.

Hataan ba preokupasaun deputadu sira Ministru MAPKomS dehan, see kazu sira hanesan ne'e, presiza faktu atu nune'e sira bele ba haree lalais hodi foti desizaun ne'ebé rigorozu.

Antes ne'e, Deputada FRETELIN, Helena Martins hateten, ema ne'ebé tama iha Mota-Ain, iha kuarta (8/7), ema ho numeru barak tebes no sasán sira ne'ebé sira lori tama mós ho kuantidade ne'ebé boot.

"Ami rasik haree nune'e, ita-nia viziñu Indonézia nia númeru moras ne'e sei iha no aas nafatin, entaun difikulta duni portaun entrada tanba ema sira ne'ebé mai ne'e la'os deit timoroan, maibe ema estranjeiru barak mak mai no sasán mós ho kuantidade boot" tenik deputada ne'e.

Nia dehan, oinsá mak atu infomina nafatin  para presiza haree buat sira hanesan ne'e no ema sira ne'e mai tama kuarentena ka lae. Tanba ema tama mai hamutuk 14o.

"Dalaruma sira halo atendimentu triajen ne'e la di'ak tanba ema mós foti nia sasan la'o tun la sa'e ba-mai ida ne'e kontimina lalais", tenik nia. (*)

Rate this item
(1 Vote)
Last modified on Tuesday, 14 July 2020 08:38
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.