Login to your account

Username *
Password *
Remember Me

MAPKomS Delega Kompeténsia Balun Ba SEKomS

SEKomS, Mericio Juvinal dos Reis 'Akara' hasoru malu ho MAPKomS, Francisco Martins da Costa Pereira Martins iha gabinete MAPKomS iha palasiu Governu SEKomS, Mericio Juvinal dos Reis 'Akara' hasoru malu ho MAPKomS, Francisco Martins da Costa Pereira Martins iha gabinete MAPKomS iha palasiu Governu Foto Suplai

Tempo Timor (Dili) - Ministru Asuntu Parlamentár no Komunikasaun Sosiál (MAPKomS) hatún ona despaixu delegasaun kompeténsia ba Sekretáriu Estadu Komunikasaun Sosiál (SEKomS) atu dirije servisu ministériu nian balun.



Delegasaun kompeténsia ne’e ninia baze iha artigu 16 númeru 1 no alínea b) iha númeru 1, husi artigu da-37 Dekretu-Lei husi Dekretu-Lei númeru 27/2020 de 19 de Junho, alterasaun daruak ba dekretu-lei númeru 14/2018, loron 17 fulan-Agostu kona-ba Orgánika Governu Konstitusionál VIII nian. 

“Kompeténsia sira ne’ebé delega ba SEKomS mak hanesan podér atu dirije servisu sira ne’ebé dezenvolve iha Sentru Informasaun Téknika iha Komunikasaun, (CEFTEC) no Dirasaun Nasionál Promosaun no Dezenvolvimentu Media Lokál (DNPDML), Dirasaun ne’e tuir rekomendasaun ne’ebé aprezenta hosi SEKomS, mudansa naran hosi Sentru Rádiu Komunidadade (CRC), ne’ebé sei sai parte integrante iha organizmu administrasaun direta MAPKOMS nian,” dehan Ministru Francisco Jerónimo.

Aleinde dirije servisu sira ne’ebé dezenvolve iha organizmu rua ne’e, tuir delegasaun kompeténsia, hateten mós, SEKomS sei koordena ho DNDI, karik servisu ruma ne’ebé iha relasaun ho diseminasaun informasaun.

Ministru mós delega ba Sekretáriu Estadu kompeténsia atu propoin ba ministru medida hirak ne’ebé konsidera importante atu regula setór komunikasaun sosiál, ne’ebé inklui propoin nomeasaun ne’ebé lei haruka iha setór komunikasaun sosiál nian.

Iha despaixu ne’e mós hateten, delegasaun kompeténsia hirak ne’ebé hateten iha leten la taka dalan ba delegante atu dada fila-fali kompeténsia sira-ne’e, no kompeténsia hirak ne’ebé delega ona liuhusi despaxu ne’e sei labele delega tutan tan.

Despaxu ida-ne’e hahú vale iha loron tuir mai hafoin ninia loron publikasaun iha Jornál Repúblika. (*)

Rate this item
(0 votes)
Last modified on Wednesday, 15 July 2020 13:03
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter