Deputadu ne’e hatete, ohin loron povu fó kadeira ba lider politiku sira atu tuur hodi koalia kona-ba povu nia destinu la'os halo an sai fali istoreira hodi istori malu loron-kalan.
"Ha’u mai iha ne'e atu reprezenta povu hodi hatudu ha’u-nia kualidade, como hanesan reprezenante do povu atu koalia kona-ba destinu povu ninia, ha’u la'os hanesan istoreira hodi mai iha ne'e istori-malu iha uma fukun ida ne'e," deklara Francisco iha Parlamentu Nasional, Kuarta (15/07).
Nia afirma, bankada UDT/FM lakohi transforma an hanesan fali istoreira, hatudu liman ba malu hodi halimar ho povu nia konfiansa.
"Ha’u la tranforma ha’u-nia an hanesan fali istoreira par kalan-loron mai mak istoria-malu, hatudu liman ba malu, depois povu nia moris atu ba ne'ebé?, ida ne'e mak ha’u-nia prinsipiu,"dehan nia.