Parpol Labele Instrumentaliza Sosiedade ba Interese Pesoál

Tempotimor (Dili) - Deputadu Bankada Partidu Demokrátiku (PD) husu ba partidu polítiku (parpol) sira labele instrumentaliza sosiedade ba ninia interese pesoál.


Lia hirak ne'e hato'o husi Deputadu Bankada PD, António da Conceição, iha plenaria Parlamentu Nasional, Kuarta (15/7).

Ejizensia ne'e mosu relasiona ho rumor partidu polítiku balun ne'ebé halo juramentu ho membru polisia hodi hamosu polémika  iha públiku.

Deputadu António, nafatin fó hanoin ba polítiku sira atu tenke eduka sosiedade oinsá iha vizaun atu haree ba oin no la'ós instrumenaliza povu ba ninia interese.

Nia mós konkorda ho deklarasaun husi Deputadu CNRT ne'ebe husu Komandu Jerál PNTL, Komisiariu Faustino da Costa, atu fó sansaun rigorozu ba membru ne'ebe envolve iha juramentu ba partidu.

Iha fatin hanesan, deputadu Bankada UDT/FM, Francisco David, konsidera kuandu partidu politiku uzu juramentu no doutrina iha públiku ne'e hatudu luta tinan 24 ne'ebe lider sira halo ne'e sei la vale iha futuru.

Antes ne'e, mosu diskursu iha públiku katak membru PNTL balun halo juramentu ba Partidu Kmanek Haburas Unidade Nasionál Timor Oan (KHUNTO). (*)

Rate this item
(0 votes)
Last modified on Thursday, 16 July 2020 06:39
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.