PM Taur: Governu Seidauk iha Figura Troka Xanana

Premeru Ministru Taur Matan Ruak ko'alia ba Jornalista sira hafoin sorumutuk ho Prezidente da Republika, Dr. Francisco Guterres Lu Olo iha palasiu Prezidensial Dili (16/7) Premeru Ministru Taur Matan Ruak ko'alia ba Jornalista sira hafoin sorumutuk ho Prezidente da Republika, Dr. Francisco Guterres Lu Olo iha palasiu Prezidensial Dili (16/7) Foto Midia PR

Tempotimor (Dili)-To’o ohin loron, governu konstituisional daualu ne’ebé lidera husi Primeiru Ministru Taur Matan Ruak seidauk konsege hetan figura ida hodi troka Xanana Gusmao sai Xefe Negosiadór Prinsipal ba Delimitasaun Fronteira Maritima.

Hanesan públiku hatene, Xanana hato’o ona ninia rezignasaun husi kargu nu’udar Xefe Negosiadór Prinsipal ba Delimitasaun Fronteira Maritima.

Relasiona ho rezignasaun Xanana, PM Taur hatete, to'o agora governu seidauk iha ema troka Xanana.

"(Xanana) Rezigna tiha ona, asuntu ne'e taka tiha ona, hotu ona, kona-ba troka, pur-enkuantu seidauk, seidauk iha ema ida," dehan Taur ba jornalista sira hafoin hasoru-malu ho Prezidente Repúblika (PR) Francisco Guterres Lú Olo iha Palásiu Prezidensiál Bairu-pite Dili, Kinta (16/07).

PM Taur hatete, responsabilidade ba fronteira tasi no dada kadoras mai Timor-Leste ne'e governu nian.

Kona-ba prosesu atu dada kadoras mina mai TL, Xefe Governu ne’e dehan, sei presiza tempu naruk.

"Dada kadoras mai Timor-Leste ne'e prosesu ida ne'ebé ita hotu nia mehi no hanoin ba tinan barak, entaun ne'e prosesu ida ne'ebé sei lori tempu, sa tán agora ita iha tempu Covid, mina folin tuun, ne'ebé prosesu ne'e sei lori tempu naruk tan," dehan Taur.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.