Print this page

PM Taur Relata Servisu Governu Nian ba PR Lú-Olo

PM taur Matan Ruak hasoru malu ho PR Francisco Guterres Lu Olo iha palasiu Prezidensial Dili (16/7) PM taur Matan Ruak hasoru malu ho PR Francisco Guterres Lu Olo iha palasiu Prezidensial Dili (16/7) Foto Midia PR

Tempotimor (Dili) - Primeiru Ministru, Taur Matan Ruak, iha enkontru semanál ho Prezidente Repúblika, Francisco Guterres Lú Olo, hodi relata servisu governu nian liuliu kona-ba pagamentu subsídiu ba benefisiáriu sira iha territóriu Timor-Leste.


"Transferénsia osan ba iha família sira-nia prosesu hotu ona, tanba Oekusi mak ikus liu," dehan PM Taur, iha Palásiu Prezidensiál Bairru-Pité, Kinta (16/07).

Xefe governu mós dehan, kona-ba pagamentu ba subsídiu hotu ona, hela reklamasaun sira mak seidauk.

"Agora ita haree de'it ida reklamasaun sira ne'e oinsá bele rekonsilia depois hadi'a hotu, ne'e hotu ona," dehan PM.

Alende ne'e estadu mós rona situasaun rai laran ne'ebé aprezenta husi xefe governu.

"Asuntu seluk mak kona-ba ita-nia situasaun atuál nian, liuhusi buat ki'ikuan balun mak iha fatin-fatin, maibé iha firma jerál ne'e situasaun kalma," dehan Xefe Governu.

Antes ne'e, Governu liuhusi Ministeriu Solidariedade Sosiál no Inkluzaun (MSSI) halo ona pagamentu ba uma kain sira iha Timor-Leste tomak ho totál orsamentu tokon US$ 63.6. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items