Login to your account

Username *
Password *
Remember Me

PR Lú Olo Promulga Ona Médida Apoiu Empregu

Prezidente da Republika, Francisco Guterres Lu Olo wainhira hato'o diskursu durante seremonia Pose ba membru VIII Governu Konstitusional iha fulan kotuk Prezidente da Republika, Francisco Guterres Lu Olo wainhira hato'o diskursu durante seremonia Pose ba membru VIII Governu Konstitusional iha fulan kotuk Foto Arkivu

Tempotimor (Dili) - Prezidente Repúblika, Francisco Guterres Lú Olo, promulga ona alterasaun dahuluk ba dekretu lei kona-ba médida apoiu ba empregu sira iha periodu pandemia Covid-19.


Tuir komunikadu ne'ebé tempotimor.com asesu, Konsellu Ministru (KM) aprova alterasaun dahuluk ba Dekretu-Lei númeru 16/2020, 30 Abril, kona-ba Medida Apoiu ba Empregu, iha Ámbitu Pandemia Covid-19 ba artigu 14 no artigu 16.

"Governu halo alterasaun ba artigu 14 husi Dekretu-Lei kona-ba pagamentu relasionadu ho apoiu ne’ebé previstu iha artigu 8 no artigu 11, katak sei hala’o husi Instituto Nacional Segurança Social (INSS) nu’udar operasaun tezouraria estraorsamentál no ba efeitu kontabilístiku no orsamentál, sei rejistadu nu’udar despeza husi entidade ne’ebé responsável ba ninia finansiamentu," dehan iha komunikadu.

Nune'e, KM mós halo alretasaun ba artigu 16 husi dekretu lei ne’e sei aplika de’it ba kontratu traballu ne’ebé hetan suspensaun ka kontratu traballu ne’ebé ninia períodu normál traballu hetan redusaun iha fulan-Marsu, Abríl, Maiu no Juñu 2020, no aplika mós ba kontribuisaun sira iha fulan hirak ne’ebé hanesan.

Iha ámbitu pandemia Covid-19, governu deside atu fó apoiu finanseiru ba sidadaun timoroan sira ne’ebé sira-nia empregu hetan efeitu husi moras Covid-19.

"KM aprova Dekretu-Lei kona-ba médida apoiu empregu iha ámbitu Covid-19 tanba efeitu negativu ne’ebé mosu husi moras Covid-19 ba merkadu traballu. Dekretu-Lei númeru 16/2020, 30 Abril, loke dalan ba Estadu fó apoiu estraordináriu no temporáriu ba entidade empregadór no ba traballadór sira iha setór privadu," dehan komunikadu.

Apoiu finanseiru ba empregu iha ámbitu Covid-19 tanba rendimentu traballadór sira-nian tun durante pandemia Covid-19 no entidade empregadór sira hasoru difikuldade finanseira ne’ebé fó efeitu ba traballadór sira-nia rendimentu. Apoiu ne’e nu’udar esforsu ne’ebé mak Governu halo atu asegura nafatin postu traballu ne’ebé mak ejiste durante pandemia Covid-19 iha Timor-Leste.

Liuhusi, Dekretu-Lei ne'e governu sei halo pagamentu liuhusi INSS atu selu traballadór timoroan ne’ebé inskritu ho subsidiu 60% husi saláriu nu’udar medida apoiu empregu iha ámbitu pandemia Covid-19.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter