Cárceres Hakarak Altera Tan Lei Balun

Ministru Justica Manuel Cárceres ko'alia ba jornalista sira Ministru Justica Manuel Cárceres ko'alia ba jornalista sira Foto Tempo Timor

Tempotimor (Dili) - Ministru Justisa, Manuel Cárceres hateten, Timor-Leste presiza hanoin ona atu altera lei numeru 9/2002 kona-ba "Lei Ba Nasionalidade", liuliu direitu sidadaun nian ba rai.


Tuir nia, presiza altera lei ne'e tanba ema estranjeiru dupla sidadaun mai kaben no hela metin iha Timor-Leste mós iha hotu direitu ba rai.

"Konstituisaun iha artigu 54 hatete só sidadaun Timor-Leste de'it mak bele hetan direitu ba rai tanba, prioridade imovel ne'e ba rai ita-nia konstituisaun ne'e hatete nasionalidade iha rua, ida orijináriu no ida seluk adkirida. Balun tanba inan-aman, adkirida ida tanba kazamentu no adkirida ida maka husu naturalizasaun," dehan Cárceres, hafoin partisipa workshop nasionál ida, iha salaun CNE, Kolmera, Kinta (16/07).

Nia hatutan, lei ne'e fó garante ba ema sidadaun seluk kuandu sai ona nasionalidade timorense nia bele iha direitu ba rai, tanba ne'e presiza halo alterasaun.

"Tanba ne'e mak ita-nia artigu 5 lei numeru 9/2002 hatente, bainhira nia sai nasionalidade timorense ne'e vínkulu jurídiku ho ita-nia rain ne'ebé direitu sira ne'e prevalese hotu ba nia, tanba ne'e mak presiza hanoin ona atu altera lei ne'e", nia esplika.

Tuir lei, sidadaun estranjeiru hela metin iha Timor bele sai ona nasionalidade, maibé loloos labele iha direitu ba rai tanba, seidauk bele garante ema na'in rua ne'ebé iha kazamentu loos ka lae.

Akizasaun kazamentu ne'e hatete, sira na'in rua kaben pelumenus tinan 5 no ema ne'e hela metin iha Timor tinan rua bele hetan nasionalidade timorense.

"Ha'u sempre husu tinan 5 ne'e to'o ona ba ita atu fiar kazamentu ne'e loos ka lae. Sira ne'e mak ita presiza hadi'a," tenik nia.

Nia mós dehan, lei ne'e sai preokupasaun boot tanba ne'e presiza altera uitoan. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.