Kazu Covid-19 'Viziñu' Sae, MS sei Diskute Liberdade Sidadaun 

Ministra Saude, Odete Maria Freitas Belo ko'alia ba Joranlista sira iha Palasiu Governu Hafoin remata sorumutuk ho Ministru Prezidente Konsellu Ministru (20/7) Ministra Saude, Odete Maria Freitas Belo ko'alia ba Joranlista sira iha Palasiu Governu Hafoin remata sorumutuk ho Ministru Prezidente Konsellu Ministru (20/7) Foto Tempo Timor

Tempotimor (Dili) - Timor-Leste livre ona husi Coronavirus Disease 2019 (Covid-19), maibé nasaun viziñu sira kontinua aumenta. Ne'e duni, Ministériu Saúde sei halo diskusaun kona-ba liberdade sidadaun sira.



Ministra Saúde (MS), Odete Maria Freitas Soares Belo hatete, kazu Covid-19 iha nasaun viziñu kontinua aumenta, nune'e Ministériu Saúde sei haree fali kona-ba liberdade ba sidadaun sira.

Nia esplika, Lei Sistema Saúde antes ne'e ladún fó liberdade ba sidadaun sira, tanba ne'e daudaun ne'e diskute ona para oinsá atu fó mós liberdade ba sidadaun hotu.

"Iha nasaun viziñu sira afetadu nafatin ba kazu Covid-19 no ema mós kontinua mate, entaun ami hakarak diskute fila-fali Lei Sistema Saúde, karik iha posibilidade para atu haree lei ne'e bele distinge ema maibé, aumezmu tempu labele limite mós ema nia liberdade sira", dehan Ministra Odete, hafoin soru-mutu ho Ministru Prezidénsia Konsellu Ministru, Fidelis Magalhães, iha Palásiu Governu, Segunda (20/7).

Nia afirma, lei artigu 11 ne'ebé antes ne'e ko'alia kona-ba Ministériu Saúde mak direitu atu implementa medida esesaun, entaun daudaun diskute atu altera ho razaun atu fó mós liberdade ba sidadaun sira.

"Lei ne'e seidauk altera ko'alia kona-ba Ministériu Saúde iha direitu tomak halo internamentu ba sidadaun sira, maibé la ko'alia espesífiku liu kona-ba oinsá atu haree mós ba sidadaun sira-nia liberdade", tenik nia.

Nia mos dehan, posibilidade bele haruka fali lei ne'e ba Ministru Prezidénsia Konsellu Ministru para bele tau iha ajenda hodi bele diskute iha reuniaun Konsellu Ministru tuir mai. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.