Marito dehan, bainhira Xanana asume kargu nu’udar reprezentante espesial governu Timor-Leste nian iha prosesu negosiasaun ba fronteira maritima ho Australia no fronteira rai maran ho Indonezia, governu mós aloka orsamentu lubuk ida ba serbisu ne’ebé Xanana ho nia ekipa halo.

Maibé, nia dehan, to’o Xanana rezigna an husi nia kargu, PN rasik seidauk hatene ho loloos osan hira mak governu aloka no orsamentu ne’e uza ba saida de’it.

“Governu mós aloka orsamentu lubuk boot ida ba serbisu ne’ebé señor Xanana Gusmão hala’o, hodi gasta ba serbisu relavante sira, maibé to’o agora PN seiduak iha informasuan ruma kona-ba ida ne'e," deputadu FRETILIN ne’e kestiona liu husi ninia deklarasaun politika iha plenaria PN, Tersa (21/07).

Tan ne’e, nia dehan, bankada FRETILIN husu atu Kamara Kontas halo mós auditoria detalla ba dezempeñu no ezekusaun iha gabinete Fronteira Maritima, Timor GAP, ANPM no IPG.

Ba kestaun ne’e, deputadu bankada CNRT Patrocino Fernandes hatete, bainhira Kamara Kontas halo auditoria ba Xanana signifika hetan ona influensia husi FRETILIN.

"Iha instituisuan estadu nian ne'ebé fó fali ninia serbisu ba ema atu halo auditoria ne'e ha’u hanoin la presiza ona, tanba ida ne'e instituisaun estadu nian, se karik tanba ne'e bankada FRETILIN toman ona influensia, ne'ebe konforme," dehan nia.