Tuir nia, iha área tasi nian luan teb-tebes ho 84.02%, duké rai maran ne'ebé iha de'it 15.08%. Maibé rekursu sira iha tasi laran la hetan atensaun sériu. 

"Ha'u bele dehan katak hahú husi ukun aan to'o ohin, ita abandona hela ita-nia tasi," dehan Sekretáriu Estadu Elidio, ba jornalista sira iha Tower Fatuhada, Dili, Tersa (21/07).

Nia hatutan, iha rai bokur no luan atu produz ai-han oioin, iha rekursu natureza barak, tasi luan ho ikan tonelada tokon ba tokon, maibé abandonadu, husik ema nasaun seluk mak na'ok.

"Situasaun ne'e hatudu katak, ita hanesan laho ne'ebé delek no inus metin. Entaun tanbasá ita delek no inus metin hodi horon de'it ita-nia riku-soin tasi nian," nia Elidio.

SEP mós dehan, TL durante ne'e dukur, tanba falta informasaun kona-ba ikan nu'udar ai-han ne'ebé saudavel, inklui TL seidauk iha rekursu umanu ba ikan, no mós laiha desizaun ne'ebé forte hodi halo investimentu no esplorasaun rekursu iha tasi laran, nu'udar rekursu ekonómiku fundamentál ida.

Nia dehan, problema mós lei marítima ne'ebé la adekuadu hodi konserva no proteje biodiversidade tasi nian. (*)