"Ita iha Ospitál Nasionál Guido Valadares de'it, agora Ospitál Nasionál Guido Valadares maka difisil tebetebes ona ka simu ema barak tebes, entaun CVTL mós hanoin atu iha ospitál CVTL nian," dehan Prezidente CVTL, Madalena Hanjam, ba jornalista sira, iha edifísiu MSSI Kaikoli, Kinta (23/07).
Nia afirma, atu harii Ospitál CVTL nian, sei prosesu naruk, maibé CVTL sei buka dalan.
"Atu harii Ospitál CVTL nian ne'e sei prosesu naruk uitoan, maibé CVTL sei esforsu hodi buka apoiu husi li'ur inklui mós ita-nia país rasik," nia dehan. (*)
